Nokat

Admin Sun Jul 15, 2007 11:42 pm

بطة راحت لبقال قالت له عندك سكر ؟؟ قال لها لا.. راحت له تاني يوم قالت له عندك سكر؟؟ قال لها لأ ، وعارفه لو جتيني تاني حدق رجليكي المفلطحه في الأرض... راحت له تاني وقالت له عندك مسامير؟؟ قال لها لأ .. قالت له طب عندك سكر

سالوة جحاا:عندك كام سنه؟ قالهم:40. سالوة بعد10سنين :عندك كام سنه ؟ قالهم:40.سالوه اذاى بتقول ان عندك 40سنه وانت قلت كدة من عشر سنين؟ قالهم:اصل كلمة الراجل واحدة

واحد رمى على حبيبته ورده فماتت ليه ؟؟؟؟ نسي يشيل الوردة من الفازا

واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامامي هقولك أنت

فى المتحف المصرى سأل الولد أبوه ,تمثال مين ده يابابا؟ ,رد الاب : مش عارف يابنى ...... طب صورة مين دى يابابا؟ , مش عارف يابنى ..... طب مين اللى محنطينه هناك ده يا بابا ؟؟ , مش عارف يابنى ..... شوية و أم الولد قالتله: ياواد بس بقى كفاية اسئله تعبت أبوك ........, رد أبوه : ياوليه خلى الواد يسال علشان يتعلم

واحدغبى فى الجيش القائد اداله اغلى قنبلة فى العالم وقال له ارميها على الاعداء من فوق الجبل اللى بين الجيشين ، قام الراجل طلع على الجبل ، ولاول مرة فكر وقال القنبلة دى غالية قوى طب ما بلدنا اولى بيها ......ورماها على جيشه

مره مجموعه هجموا علي شخص وفي ايديهم السلاح وسالوه :انت معانا ولا مع الناس التانيين؟؟؟؟؟ جاوب الرجل هو مرعوب وقالهم على طول انا معاكوا طبعا ............ .. فقلولو : احنا الناس التانين .. طاااااخ

مره واحد جه يًًزوّّر فلوس ، فقال يجرب فى ورقة بعشرين جنيه ...... فراح رسمها كويس قوي وكتب بدال العشرين .. 18 ... ونزل عشان يفكها ، فقابل واحد وقال له ممكن تفكها لي جنيهات فقال له الراجل زورتها ازاي ؟؟ قام خاف و خد بعضه و جرى ، و بيفكر ازاي الراجل عرف انها مزورة ، فراح يجرب يفكها من ابن عمه ، فقال لابن عمه ممكن تفك لي الــــ 18 جنيه دي جنيهات ، فقال له ما فيش جنيهات فكه ، تاخد ورقتين بتسعة

واحد مسطول ... حط إيده في جردل فيه ماية نار .... فحس ان صباع من اصابعه ناقصة .. فحط راسه في الجردل عشان يدور عليه

اتنين محششين الاول بيسال التاني النهارده السبت ولا الاحد ؟ التاني بيقول له : الاتنين فقال له : يا سلااااااااام الاتنين مع بعض

اتنين قاعدين بيحششوا فوق السطوح... الاول: الحق يا منير ابوك مات .. ، راح شدله حجرين وقعد يعيط ..... بعد شوية الحق يا منير امك ماتت ... ، راح شدله حجرين تانى وقعد يعيط .... شويه يا منير الحق اخوك مات ... راح حادف الشيشة من ايده ووقف علي سور البلكونة و قال :لا ده هو اللي فاضلي ورمي نفسه ....وهو في الدور السابع افتكر انه مقطوع من شجرة ...وفي الدور التاني افتكر انه ماسموش منير أصلاً

واحد راح للدكتور بيحكى له عن حالته وبيقول انا كل يوم باصحى الآقى نفسى مندهش ، كل مرة بأ صحى الآقى نفسى مندهش .... راح الدكتور كاتب له على علاج .... فصحى تانى يوم لقى نفسة مش مندهش ............ . فإندهش